DKKACHIN

Hkaptau la ga ai

Bible
Burmese News Links
Music & movie
W P mung a hking
Photobucket
Video
DVB Kachin Audio Programmes

RFA Kachin Audio Programmes
Saturday, June 20, 2009
Myu hte Mungdan hpe Tsawra makawp maga nga ga.
Dkkachin
Denmark Kachin Community
Nhtoi: 20/6/2009

Ya daini anhte wunpawng myusha ni hpe Hpaji masa,Sut masa, Mung masa hte masa lam bawhpan law law hte dipup saichyup dipsha nga ai Myen gumshen hpyen Asuya gaw anhte wunpawng myusha ni a kaba dik ai hpyen majing nan rai nga ai.

N dai Myen gumshen hpyen asuya ni wunpawng mungdan kata hta sha a nga nga dingsa gaw anhte a hpaji masa lam, sut masa lam ni galoi mung rawt jat galu gaba wa na n re. Grau na gaw mung masa lam hta masan sa rawt jat galu kaba wa na matu n loi nga ai hpa majaw nga yang shanhte Myen gumshen hpyen asuya a masing masa gaw diplu dipsha na, aroi ara di na (hte) myu hte mungdan, myusha laili laika hpe shamat shatsai kau ya na ladat masing masa sha rai nga ai re.


Dai majaw anhte wunpawng myusha ni gaw dai zawn re Myen gumshen hpyen asuya a masing masa n pu kaw taw nga na lam n nga sai.Rawt ra sai Tsap ra sai.
Anhte a mungdan gaw Wunpawng mungdan, Anhte a myusha gaw Wunpawng myusha,Anhte a mungdan hta anhte a dawnghkawn, anhte a manau shadung hpe sharawt jung da lu sai ni anhte re.

Tinang myu hte mungdan hpe tsawra shagrau sharawt nga ga. Maigan myusha ni hpe hkum kam kaba, n gun hkum jaw nga mu lu... Tinang myu she tinang hpe hkye na re. Wunpawng mungdan na wunpawng mungchying sha ni hpe hkum yu kaji myit.... Anhte a nsa lam gaw wunpawng mungdan na wunpawng mungchying sha ni sha re... Mungchying sha ni gaw matsan tim lusu tim wunpawng myusha re, saiga shaga ai ni re lu yaw..... Hkum malap da lu....

Anhte a mungdan gaw wunpawng mungdan re.... Anhte a kanu kawa gaw wunpawng myusha ni re..... Anhte a htung hkying gaw wunpawng htunghkying re... Anhte a laili laika gaw wunpawng laika sha re.... Hkum malap nga lu.......

Tinang a mungdan hpe makawp maga na she anhte tai ga lu.... Tinang a myusha hpe hkye ai ni she anhte tai ga lu..... Tinang a laili laika hte htung hkying hpe makawp maga ai ni she anhte tai ga lu.... Anhte hte n seng ai maigan wa a ga hpe hkum madat nga lu.... Anhte a kaba dik hpyen wa hte hkum gayau nga lu.....

Anhte a mungdan grin nga lu na matu gaw anhte a lit re.
Anhte a myusha grin nga lu na matu gaw anhte a lit re.
Anhte a laili laika hte anhte rawt jat galu gaba wa na matu gaw anhte a lit re.

Mara Ya Ai ; Kachinvoice

Labels:

posted by Kachin Media Group @ 2:48 AM   0 comments
Denmark ga / laika

Dictionary

English - Myanmar Dictionary

English - Kachin Dictionary

e-Library
Ga Baw Ni
Archives
Kachin News Links
Kachinblogs